Marina FM مارينا أف أم

زين مو راضيين يبثون أغاني المطربات اللي طلعوا في الثمانينات مثل سميرة سعيد و لطيفة عشان كبروا و كله قاعدين يبثون أغاني رقاصات هاليومين و ساعات بالغلط يحطون أصالة و ناس ينزلون البومات ما يبثون منهم و لا اغنية و غيرهم مالهم داعي بالحياة 24 ساعة يبثون اغاينهم مادري ليش ولا ابي ادري ليش...الله يخلي ال إم بي 3 بلير مالي.

و هالحجي نفس الشي بالنسبة حق كويت أف أم.

الشي الزين في مارينا أف أم أنهم ساعات يبثون اغاني قديمة ما اكون متوقعها...مو قديمة حيل بس اوائل التسعينات مثلاً مو اللي اخر شي نازل بس هم الشي الموزين فيهم ان سايتهم ما يدعم فايرفوكس.

وين راح أسامة من برنامج الصبح؟ و ليش يابوا بداله عبدالرضا؟
صج ساعات أسامة يبط جبدي بس ما يصير كل ما نعود اذونا على صوت الصبح يغيرونه....يالله زين خلوه عبدالرضا بن سالم مو احد مادري من وين يايبينه.

شي ماله شغل بالموضوع...بس ليش كل ما بغيت انام الف شي بكتب عنه و لي كنت اونلاين بكتب شي كل شي يروح من راسي؟ هااا؟
يالله المره هذي كلوها مارينا أف أم...اللي بعده لوووول

اي توه تذكرت...امس شريت بنطرون يديد و للأسف كان اصغر من خصري اللولبي برقم واحد و ما كان في اكبر...شريته و قررت اضعفله لووووووووووول