Car Bowling!

Car Bowling!
Originally uploaded by radiant guy

Ever been in one?
Well don't it's not that fun, more scary than fun...I wish I had my SLR camera that day but I didn't know that a guy will crash into 6 cars at the same time back then.

Photos were taken using my 5 M.P. camera phone.

Happy Birthday Google

غوغل تحتفل بعيد ميلادها العاشر من خلال إنشائها صفحة خاصة تبين فيها التطور اللي مرت فيه من بدايتها لغاية اليوم، و صج شي مبهر لما تشوفون شركة مثل غووغل تطلع من ولا شي و توصل إلى اللي وصلتله الحين.

تقدرون تشوفون كل شي من خلال هالوصلة.

هابي بيرثدي حجية غووغل و عقبال الغووغل سنة!

Grey Car

كل يوم الصبح و انا رايح الدوام ساعات أصادف بالطريج سيارة رمادية مالت الداخلية و وراها باض رمادي مال الداخلية، السيارة الرمادية (وانت) دايماً يكون شاب الليت  العالي و يمشي حد الدوسة على سايدين لدرجة تنرفز...مادري يعني لي هالدرجة مستعيل إن يوصل المساجين السجن الثاني و الا يبي يذبح الناس اللي يكونون بالشارع؟

برايي هالشي المفروض يسونه بس الإسعاف و المطافي عشان اهمه تأخيرهم ممكن ياثر بحياة أو موت الناس.

Death Race

What a nice movie :D

Large Hadron Collider

مصادم الهدرونات الكبير (Large Hadron Collider و يعرف إختصاراً بإسم LHC) هو أكبر مشروع علمي بتاريخ البشرية بالحجم، سووه كمحاولة لإعادة اللي صار في الإنفجار الكبير (لحظه ولادة الكون)...و هو نتاج عمل عدة دول و مكانه صاير بين الحدود السويسرية الفرنسية.

هذا اللي الأجانب قاعدين يسونه، أما عندنا إحنا لي الحين يعلون الواحد على ما يقدر يطلع تصريح عشان يصور مكان عام و اذا قدرت تصور يبوقون صورتك باردة مبردة.

المهم، المشروع اللي مسوينه يقولون في إمكانية انه ينتج بعد تشغيله ثقب أسود ممكن يبتلع الأرض (بالعافية عليه إذا صارت) و لقيت هالصورة و قلت براويكم إياها عشان تخافون...بخخخخخخخخخخ
هالموضوع ينكتب بكل مكان في كل جرايد و مواقع الإنترنت في العالم الغير عربي في حين عندنا لا حس و لا خبر و لا كأنهم بشر من نفس الكوكب.

شي يبط الجبد

- محطة الكهربا اليديدة سمعنا فيها و ما صارت لي الحين

- مدينة الحرير و جسر الصبية خلونا نحلم فيهم و ماكو شي

- مصفاة النفط الرابعة طق اعصي عليها كل يوم بالمجلس

- تغيير لوحات السيارات اليدد في الكويت توقف عشان اللوحات خلصوا و ما عندهم غيرهم

- تجديد الجوزات في الكويت ياخذ بحدود الشهر الحين و السبب ان ما عندهم مواد خام اللي يسون منها من الجوازات

في أوطى من جذيه يا ربي؟

 شي يحرق الدم...العالم كلهم ماشيين لي جدام و إحنا حتى مو واقفين مكانا و نطالع لأ، قاعدين نرجع ورا و نطالع!

الله يستر من الياي

قطوة الفريج

كان عندنا قطوة بالفريج، يابت عيال و اختفت عن الساحة و عيالها كبروا و يابوا عيال و بعدين اختفوا و ظلت وحدة يابت عيال و انتوا رايحين...الغريب في الموضوع إن القطوة اللي كانت تظل كان لونها دايما نفس لون "اليدة" (الجدة بالعربي الفصيح) العودة أبيض و مبقعة بألوان ثانية.

المهم أيام الجيل ما قبل الأخير (كان هالحجي قبل جم سنة) كنت طالع برة و الا أشوف قطوة صغيرة ضعيفة حدها مادري وين أمها كسرت خاطري راح تموت كانت...ف حطيتلها حليب في "طاسة" و ما كنت تعرف تشرب منها لأنها لي الحين صغيرة و المفروض ترضع...جان اشيلها و احطها مع عيال قطوة الفريج و أهمه يرضعون...قربت منها الأم و قعدت "تشمها" جان تطقها!

شلتها منها و وديتها بعيد و قعدت أفكر "ملياً" شلون أحل هالموضوع...
القطوة الصغيرة ما تعرف تشرب من الطاسة و قطوة الفريج مو راضية ترضعها مع بناتها...
آخر شي شلت وحدة من عيالها الصغار، حطيت عليها ماي و قعدت أحكحكها في القطوة الصغيرة عشان تصير نفس ريحتها...

و بعدين رجعت و انا شايل القطوتين معاي و حطيتهم عن الأم...
قربت الأم من بنتها...شمتها..و قعدت تلحسها...
بعدين قربت من القطوة الثانية...شمتها...و قعدت تلحسها!

يعني تجربتي نجحت و صار حالي حال مندل و اينشتاين و نيوتن!

بعد فترة القطاوة و الأم صار فيهم حزازه (فطريات بشعرهم) و صلعوا كلهم من القطوة اللي لقيتها لوووووووول